今日快报


艺人林淑敏与周志康到秀茂坪出席活动，与小朋友玩游戏，相当受欢迎，「大小姐」林淑敏更引来途人争相合照。谈到人气高企，林淑敏谦称：「可能佢哋行过啫。（《爱．回家之开心速递》过 30 点收视，话食饭庆祝？）系，不过未食，公司星期四请，我会做定运动，等到时擦餐劲！」至于农历新年，她表示有假放，打算到时陪老公过二人世界。






艺人郭可盈同老公林文龙向来恩爱，两个仲育有一个乖女津津。近日佢哋一家就飞到日本，此行系庆祝爱女嘅 9 岁生日，可盈就喺社交网甫出多张佢哋嘅玩乐照：「Osaka again again .......The next trip will be.（又去大阪，唔知下一站会去边呢？）」见到佢哋食美食又喺好靓嘅灯饰下影相，一家乐也融融！可盈同文龙仲预备咗好靓嘅气球放喺酒店房，难怪津津都笑得咁开心兼举起 V 字，大家都话见到佢哋就觉得好温馨，仲话津津真系好大个女喇！


展鹏 42 岁生日单文柔反传统送花冧老公？


今日系视帝陈展鹏 42 岁生日，上年 10 月结婚嘅佢，未够一个月就宣布有喜，话咁快佢老婆单文柔就已经佗 B 五月个月喇！今年展鹏将会迎来新生命，正式荣升爸爸，虽然 BB 未能赶及出嚟同爸爸庆祝生日，但 摸住单文柔肚仔过一样咁开心呀！寻晚单文柔就拎住扎玫瑰花自拍，大家都估系咪老公仔展鹏送畀佢？点知，佢留言话：「送花都不是男士专利」唔通系佢送番畀展鹏？呢份礼物都几难忘喎！


艺人黄宗泽（Bosco）早前整伤左脚后复工，虽然已经拆咗石膏但都仍然要撑拐杖，拍戏时仲因此制造唔少笑料。呢日佢拍邵氏网剧《飞虎之雷霆极战》休息时间都玩唔停，仲搵埋导演同佢一齐斗摆甫士，导演先摆出金鸡独立，不过 Bosco 就算有脚伤都绝对唔输蚀，竟然撑住拐杖凌空跳起，认真贪玩！佢仲搞笑留言话：「导演，你估净系你识飞，我都得！」有好多网民都留言叫佢小心啲，唔好咁百厌喇！


欢迎分享至朋友圈
转载授权微信：lama129
商务 QQ：1900556960
香港娱乐八卦
尽在HKChannel